Nordic Golf: Andri Þór endaði í 16. sæti á Tinderbox Charity Challenge
Andri Þór Björnsson, Guðmundur Ágúst Kristjánsson og Ólafur Björn Loftsson léku í dag lokahringinn á Tinderbox Charity Challenge mótinu sem fór fram á Nordic Golf mótaröðinni.
Strákarnir höfðu allir komist í gegnum niðurskurðinn að tveimur hringjum loknum og voru í ágætum málum.
Andri Þór endaði efstur Íslendinganna á 3 höggum undir pari í heildina. Andri lék lokahringinn á 2 höggum undir pari og endaði mótið í 16. sæti sem er hans næst besti árangur á tímabilinu.
Skorkort Andra í mótinu.
Guðmundur Ágúst lék lokahringinn á höggi yfir pari og endaði á parinu í mótinu, jafn í 29. sæti. Ólafur Björn endaði í 43. sæti á 4 höggum yfir pari.
Hér er hægt að sjá stöðuna í mótinu.