Nordic Golf: Guðmundur Ágúst á 70 höggum
Atvinnukylfingurinn Guðmundur Ágúst Kristjánsson hóf í dag leik á Harboe Open mótinu sem fer fram á Nordic Golf mótaröðinni.
Guðmundur lék fyrsta hring mótsins á 2 höggum undir pari og er jafn í 12. sæti þegar rúmlega helmingur keppenda hefur hafið leik.
Hann fékk fjóra fugla og tvo skolla á hring dagsins, lék par 3 holurnar samtals á pari en var undir pari bæði á par 4 og 5 holum vallarins.
Alls komast 45 efstu kylfingarnir í gegnum niðurskurð eftir tvo hringi. Leiknir eru þrír hringir í mótinu sem lýkur á fimmtudaginn.
Fyrir mótið er Guðmundur í 22. sæti stigalistans en framundan eru lokamót tímabilsins þar sem á endanum 5 efstu keppendurnir tryggja sér þátttökurétt á Áskorendamótaröðinni.
Hér er hægt að sjá stöðuna í mótinu.