Ólafía fór ekki vel af stað á Opna skoska
Atvinnukylfingurinn Ólafía Þórunn Kristinsdóttir hóf í dag leik á Opna skoska mótinu sem fram fer í Aberdeen og er hluti af LPGA- og Evrópumótaröðinni.
Ólafía Þórunn lék fyrsta hring mótsins á sex höggum yfir pari og náði aldrei að sýna sitt rétta andlit á hringnum. Hún fékk alls 7 skolla og einungis einn fugl í dag. Skorkort hennar má sjá hér fyrir neðan.
Ólafía er þessa stundina jöfn í 125. sæti af 156 keppendum en fjölmargir kylfingar eiga eftir að ljúka leik í dag. Þeirra á meðal er Valdís Þóra Jónsdóttir sem fer af stað klukkan 14:30 að íslenskum tíma.
Hér er hægt að sjá stöðuna í mótinu.