Ólafía jöfn í 20. sæti eftir fyrsta hringinn á Marathon Classic
Ólafía Þórunn Kristinsdóttir, GR, lék fyrsta hringinn á Marathon Classic mótinu á 3 höggum undir pari og er jöfn í 20. sæti í mótinu. Mótið er hluti af LPGA mótaröðinni.
Ólafía fékk alls sex fugla á fyrsta hringnum en slæmur kafli á 10.-12. holu komu í veg fyrir að hún spilaði á enn lægra skori.
Ólafía er einungis fjórum höggum á eftir þeim Alena Sharp og Youngin Chin sem eru í forystu eftir fyrsta keppnisdaginn á 7 höggum undir pari.
Annar hringur mótsins fer fram í dag, föstudag, og verður skorið niður í mótinu eftir þann hring. Niðurskurðarlínan verður líklega í kringum parið.