Óvenjulegur lokadagur framundan á Masters
Miklar líkur eru á óveðri við Augusta National völlinn seinni partinn í dag og var því gripið til þess ráðs að flýta rástímum á lokadegi Masters mótsins.
Fyrstu menn fara því af stað klukkan 7:30 að staðartíma og verður leikið í þriggja manna hollum í stað tveggja eins og tíðkast á lokahringjum mótsins. Þá fara menn bæði af stað á 1. og 10. teig en vanalega byrja allir keppendur á 1. teig.
Síðustu menn fara svo af stað klukkan 9:20 að staðartíma eða klukkan 13:20 að íslenskum tíma. Í lokahollinu verða þeir Francesco Molinari, Tony Finau og Tiger Woods sem sagði í viðtali við CBS ætla að vakna klukkan 4:00 til þess að undirbúa sig fyrir lokahringinn.
Hér er hægt að sjá stöðuna í mótinu.
Staða efstu kylfinga:
1. Francesco Molinari, -13
2. Tony Finau, -11
2. Tiger Woods, -11
4. Brooks Koepka, -10
5. Webb Simpson, -9
5. Ian Poulter, -9
7. Matt Kuchar, -8
7. Justin Harding, -8
7. Xander Schauffele, -8
7. Louis Oosthuizen, -8
7. Dustin Johnson, -8
