PGA: Casey með þriggja högga forystu
Englendingurinn Paul Casey er með þriggja högga forystu á Phil Mickelson fyrir lokahringinn á AT&T Pebble Beach Pro-Am mótinu.
Casey er samtals á 15 höggum undir pari eftir þrjá hringi á Monterey, Spyglass og Pebble Beach völlunum. Hann lék þriðja hringinn á Spyglass vellinum og kom inn á fimm höggum undir pari.
Phil Mickelson er í öðru sæti á 12 höggum undir pari. Scott Piercy og Lucas Glover eru svo jafnir í þriðja sæti á 11 höggum undir pari. Jordan Spieth var í ágætri stöðu fyrir lokaholu dagsins en fékk tvöfaldan skolla og er nú 8 höggum á eftir Casey í 18. sæti.
A double bogey for Jordan Spieth at Pebble Beach's 18th hole.
— PGA TOUR (@PGATOUR) February 9, 2019
He finishes Round 3 eight shots back of the lead. pic.twitter.com/imzYRvkIeS
Sigurvegari síðasta árs, Ted Potter Jr., var ekki nálægt því að komast í gegnum niðurskurðinn en hann lék samtals á 12 höggum yfir pari í mótinu.
Staða efstu kylfinga:
1. Paul Casey, -15
2. Phil Mickelson, -12
3. Scott Piercy, -11
3. Lucas Glover, -11
5. Brian Gay, -10
5. Matt Every, -10
Lokahringur mótsins fer fram á morgun, sunnudag, á Pebble Beach vellinum. Hér er hægt að sjá stöðuna í mótinu.
Are you kidding, @PhilMickelson?!
— PGA TOUR (@PGATOUR) February 9, 2019
He never ceases to amaze. 😱#LiveUnderPar pic.twitter.com/KM7a0qqYWu
