PGA: Fyrsti sigur Pan á meðan Johnson lék skelfilega
Lokahringur RBC Heritage mótsins fór fram í gær á PGA mótaröðinni. C.T. Pan fór með sigur af hólmi í mótinu eftir fjóra hringi á 12 höggum undir pari samtals.
Pan lék lokahringinn á fjórum höggum undir pari og varð að lokum höggi á undan Matt Kuchar sem hefur leikið vel á tímabilinu.
Þetta er fyrsti sigur Pan á mótaröðinni og fer hann fyrir vikið upp í 26. sæti stigalistans.
He needed only 47 putts over his final 36 holes @RBC_Heritage.@CTPanGolf earned his first win on TOUR Sunday.#LiveUnderPar pic.twitter.com/Nhoitcd8YT
— PGA TOUR (@PGATOUR) April 22, 2019
Patrick Cantlay, Scott Piercy og Shane Lowry deildu þriðja sætinu á 10 höggum undir pari.
Efsti kylfingur heimslistans, Dustin Johnson, fór einstaklega illa að ráði sínu á lokahringnum eftir að hafa verið með forystu eftir þrjá daga. Johnson lék lokahringinn á 6 höggum yfir pari og endaði í 28. sæti í mótinu. Johnson var á parinu eftir 10 holur á lokahringnum en frá 11.-15. holu fékk hann þrjá skolla og tvo tvöfalda skolla sem gerðu út um möguleika hans á sigri.
Winning is hard, even for golf's best.
— PGA TOUR (@PGATOUR) April 22, 2019
DJ was the 54-hole leader @RBC_Heritage and finished T28. pic.twitter.com/seU5vXcTj8
Hér er hægt að sjá lokastöðuna í mótinu.
