PGA: Þrír jafnir á toppnum fyrir lokahringinn í Kuala Lumpur
Gary Woodland, Marc Leishman og Shubhankar Sharma deila forystunni eftir þrjá hringi á CIMB Classic mótinu sem fer fram á PGA mótaröðinni í Kuala Lumpur um þessar mundir.
Fyrrnefndir kylfingar eru allir á 19 höggum undir pari eftir þrjá hringi, tveimur höggum á undan Louis Oosthuizen og Bronson Burgoon.
Sigurvegari mótsins árin 2015 og 2016, Justin Thomas, er í 19. sæti, 7 höggum á eftir efstu mönnum. Það er því ólíklegt að hann nái að blanda sér í toppbaráttuna í nótt þegar lokahringur mótsins fer fram.
Hér er hægt að sjá stöðuna í mótinu.
A birdie and a fist pump. @ShubhankarGolf is tied for the lead. #LiveUnderPar pic.twitter.com/cU106LZsWL
— PGA TOUR (@PGATOUR) October 13, 2018