PGA: Wolff með þriggja högga forystu fyrir lokadaginn
Bandaríkjamaðurinn Matt Wolff er í forystu eftir þrjá hringi á Rocket Mortgage Classic mótinu sem fer fram á PGA mótaröðinni.
Samtals er Wolff á 19 höggum undir pari en annan daginn í röð lék hann á 8 höggum undir pari.
Fyrir lokahringinn er Wolff þremur höggum á undan Ryan Armour og Bryson DeChambeau sem deila öðru sætinu á 16 höggum undir pari.
Takist Wolff að sigra á sunnudaginn verður það annar sigur Wolff sem varð 21 árs gamall í apríl.
Troy Merritt, Mark Hubbard, Chris Kirk og Sean Power deila fjórða sætinu á 14 höggum undir pari.