Rose leiðir eftir tvo hringi á Masters
Englendingurinn Justin Rose er með eins höggs forystu eftir tvo hringi á Masters mótinu sem fram fer á Augusta National vellinum.
Rose, sem lék fyrsta hring mótsins á 7 höggum undir pari, lék annan hringinn á parinu eftir að hafa byrjað illa. Rose fékk fjóra skolla á fyrstu 7 holunum en vann sig niður á parið með þremur fuglum á síðustu sex holum dagsins.
Rose er með högg í forskot á þá Will Zalatoris og Brian Harman sem eru á 6 höggum undir pari. Árangur Zalatoris til þessa hefur vakið athygli en hann er á meðal keppenda á Masters mótinu í fyrsta skiptið á ferlinum.
Marc Leishman og Jordan Spieth deila fjórða sætinu á 5 höggum undir pari.
Þriðji hringur mótsins fer fram í dag. Hér er hægt að sjá stöðuna í mótinu.
Staða efstu manna:
1. Justin Rose, -7
2. Will Zalatoris, -6
2. Brian Harman, -6
4. Marc Leishman, -5
4. Jordan Spieth, -5
6. Bernd Wiesberger, -4
6. Tony Finau, -4
6. Justin Thomas, -4
6. Si Woo Kim, -4
6. Cameron Champ, -4
6. Hideki Matsuyama, -4
Sjá einnig:
Johnson mun ekki verja titilinn á Masters