Sagður hafa veðjað rúmum 10 milljónum á Tiger
Samkvæmt fjölmiðlum vestanhafs á einstaklingur sem notar veðmálasíðuna William Hill að hafa sett 85.000 dollara eða rúmlega 10 milljónir króna á að Tiger Woods standi uppi sem sigurvegari á Masters mótinu sem fer fram um helgina.
Haft er eftir Darren Rovell hjá Action Network að stuðullinn á sigri hjá Woods hafi verið 14/1 þegar einstaklingurinn setti pening sinn á hann sem þýðir að fari svo að Woods vinni mótið fái umræddur aðili 1,19 milljónir dollara í sinn vasa.
JUST IN: A William Hill sportsbook in Nevada just took an $85,000 wager on Tiger to win the Masters. At 14-1, pays out $1.19 million if he puts on another green jacket on Sunday.
— Darren Rovell (@darrenrovell) April 9, 2019
Tiger hefur fjórum sinnum sigrað á Masters mótinu en liðin eru 14 ár frá því hann vann síðast. Í viðtali fyrir mótið á dögunum sagðist hann bjartsýnn á gott gengi í ár en fróðlegt verður að sjá hvort hann bæti við sig fimmta græna jakkanum.