Slóvakía getur eignast sinn fyrsta sigurvegara á PGA mótaröðinni í kvöld
Lokahringur RBC Heritage mótsins á PGA mótaröðinni fer fram í dag. Það er Dustin Johnson sem er í forystu en jafn í öðru sæti, einu höggi á eftir er Rory Sabbatini.
Líkt og kylfingur.is greindi frá í lok síðasta árs gerðist Sabbatini slóvanskur ríkisborgari og gæti Slóvakía því eignast sinn fyrsta sigurvegara á PGA mótaröðinni í dag. Sabbatini er fæddur í Suður-Afríku en kona hans er frá Slóvakíu og er hann fyrsti slóvanski ríkisborgarinn til að leika á PGA mótaröðinni.
Sabbatini er á samtals 9 höggum undir pari fyrir lokahringinn, ásamt Ian Poulter og Shane Lowry.
Hérna má sjá stöðuna í mótinu.