Stenson fór í aðgerð á olnboga og missir af mótum
Svíinn Henrik Stenson tilkynnti á Instagram síðu sinni að hann hefði þurft að fara í aðgerð á olnboga sem gerir það að verkum að hann verður frá keppnisgolfi í einhvern tíma.
Stenson sagði að aðgerðin hefði gengið vel en hann þyrfti engu að síður að draga sig úr keppni í HSBC heimsmótinu sem fer fram seinna í október. Stenson hafði endað í 2. sæti í mótinu undanfarin tvö tímabil.
Olnbogi Stenson hafði valdið honum vandræðum á tímabilinu þar sem hann dró sig úr keppni í nokkrum mótum. Það var því kominn tími á þessa aðgerð en Svíinn magnaði er nú dottinn niður í 26. sæti á heimslistanum.