Stjarnfræðilegar upphæðir í boði á lokamóti ársins á PGA mótaröðinni

Lokamót PGA mótaraðarinnar, Tour Championship mótið, hefst á morgun og á sunnudaginn ræðst hvaða kylfingur mun hampa FedEx bikarnum, tryggja þátttökurétt sinn á mótaröðinni næstu fimm ár og að lokum verða 15 milljónum dollara ríkari.

Heildar verðlaunafé var hækkað úr 35 milljónum dollara í 60 milljónir fyrir þetta tímabil sem þýðir að allir keppendur lokamótsins munu ganga í burtu með væna summu.

Til að mynda mun sá kylfingur sem endar í 10. sæti fá 830 þúsund dollara sem er hvorki meira né minna en rúmlega 100 milljónir íslenskra króna á gengi dagsins. Kylfingurinn sem hafnar í 30. sæti, sem er neðsta sætið, mun fá 395 þúsund dollara, sem er rétt um 50 milljónir íslenskra króna.

Heildar verðlaunafé: 60 milljón dollarar