Trump ætlar að heiðra Woods
Menn hafa keppst við það að óska Tiger Woods til hamingju með sinn 15. risatitil síðustu daga og hafa margir íþróttamenn sem og aðrir heimsfrægir einstaklingar verið í þeim hópi.
Einn þeirra er Donald Trump, Bandaríkjaforseti. Hann lýsti því yfir í gær að hann hyggðist sæma Woods orðu, þeirri hæstu sem óbreyttum borgurum í Bandríkjunum er veitt af þarlendum stjórnarvöldum.
Orðan ber heitið Presidential Medal of Freedom á ensku og svipar eflaust til Fálkaorðunnar okkar Íslendinga. Forsetinn getur heiðrað fólk sem þykir hafa skarað fram úr í íþróttum eða listum eða látið gott af sér leiða í bandarísku þjóðlífi.
Spoke to @TigerWoods to congratulate him on the great victory he had in yesterday’s @TheMasters, & to inform him that because of his incredible Success & Comeback in Sports (Golf) and, more importantly, LIFE, I will be presenting him with the PRESIDENTIAL MEDAL OF FREEDOM!
— Donald J. Trump (@realDonaldTrump) April 15, 2019
