Valdís endaði í 24. sæti í Frakklandi
Valdís Þóra Jónsdóttir, GL, varð í dag í 24. sæti á Jabra Ladies Open mótinu sem fram fór á LET og LET Access mótaröðunum í Frakklandi.
Valdís lék hringina þrjá í mótinu á 7 höggum yfir pari en hún lék lokahring mótsins á höggi yfir pari. Á hring dagsins fékk Valdís þrjá fugla, tvo skolla og einn tvöfaldan skolla en skorkort hennar má sjá hér fyrir neðan.
Skorkort Valdísar í mótinu.
Annabel Dimmock fagnaði sigri í mótinu en hún lék á 7 höggum undir pari og varð að lokum höggi á undan áhugakylfingnum Pauline Roussin Bouchard. Báðar hljóta þær þátttökurétt á Evian meistaramótinu fyrir árangur sinn.
Annabel Dimmock.
Hér er hægt að sjá lokastöðuna í mótinu.