Valdís í 39. sæti í Frakklandi
Valdís Þóra Jónsdóttir, GL, hóf í dag leik á Jabra Ladies Open mótinu sem er hluti af LET Access og LET mótaröðunum í golfi og fer fram í Frakklandi.
Valdís lék fyrsta hring mótsins á 74 höggum eða 3 höggum yfir pari og er jöfn í 39. sæti af 132 keppendum.
Á hring dagsins fékk Valdís sex skolla, fimm fugla og einn tvöfaldan skolla. Skorkort hennar má sjá hér fyrir neðan.
Til mikils er að vinna í móti vikunnar en efstu tveir kylfingarnir að þremur hringjum loknum öðlast þátttökurétt á Evian meistaramótinu, einu af risamótunum fimm.
Hér er hægt að sjá stöðuna í mótinu.
