Valdís Þóra hefur leik á morgun í Abu Dhabi
Evrópumótaröð kvenna fer af stað á nýjan leik á morgun þegar að Fatima Bint Mubarak Ladies Open mótið hefst. Leikið er á Saadiyat Beach vellinum en hann er staðsettur í Abu Dhabi í Sameinuðu arabísku furstadæmunum.
Meðal þátttakenda er Valdís Þóra Jónsdóttir og hefur hún leik klukkan 12:42 að staðartíma sem er 8:42 að íslenskum tíma. Með henni í holli er hin velska Becky Brewerton.
Kylfingur mun flytja fregnir af gengi Valdísar en fyrir áhugasama er hægt að fylgjast með gangi mála hérna.