Valdís Þóra náði sér ekki á strik í dag
La Reserva de Sotogrande Inviational mótið á Evrópumótaröð kvenna hófst í dag en tveir íslenskir kylfingar eru á meðal keppenda, þær Guðrún Brá Björgvinsdóttir og Valdís Þóra Jónsdóttir.
Valdís Þóra átti út snemma í morgun og hefur því lokið við fyrsta hringinn. Hún átti ekki sinn besta dag og kom í hús á 78 höggum eða 6 höggum yfir pari. Á hringnum fékk hún sex skolla og restin pör.
Hún er sem stendur jöfn í 110. sæti en einhverjir kylfingar eiga eftir að hefja leik. Guðrún Brá er ennþá úti á velli en eftir þrjár holur er hún á einu höggi undir pari.
Rúnar Arnórsson
[email protected]
