Willett kosinn kylfingur september mánaðar
Englendingurinn Danny Willett var kosinn kylfingur september mánaðar á Evrópumótaröð karla.
Hinn 32 ára gamli Willett hlaut 34% atkvæða í kosningunni og vann Victor Perez naumlega sem hlaut 33% atkvæða.
Willett var í leit að sínum fyrsta titli á tímabilinu þegar hann stóð uppi sem sigurvegari á BMW PGA meistaramótinu þar sem hann lék hringina fjóra á 20 höggum undir pari og hafði betur gegn Jon Rahm á endasprettinum.
Sebastian Soderberg varð þriðji í kosningunni eftir sigur á Omega European Masters. Sergio Garcia varð fjórði og Paul Casey fimmti.