Woods pirraður á pútternum
Tiger Woods lauk leik jafn í 30. sæti eftir að leika síðasta hring Players meistaramótsins á 69 höggum, eða þremur höggum undir pari. Hann endaði því mótið á samtals sex höggum undir pari, 10 höggum á eftir Rory McIlroy sem fagnaði sigri.
Miklar umræður hafa verið um misjafnt gengi Woods á flötunum. Um um helgina var hann með 117 pútt í öllu mótinu og sagðist hann hafa verið pirraður með pútterinn um helgina.
„Ég er pirraður á hversu mörg pútt kræktu hjá mér um helgina. Þetta var ein af þessum helgum þar sem ég náði aldrei að komast á neitt skrið.“
Þrátt fyrir misjafnt gengi er Woods bjartsýnn á framhaldið og veit hvað hann þarf að gera til að vera sem best tilbúinn fyrir fyrsta risamót ársins, Masters mótið.
„Hann [leikurinn hjá Woods] er á góðum stað. Ég get slegið boltann í báðar áttir sem þú þarft á Masters mótinu. Þarf bara að fá nokkur pútt til að detta, það er það eina.“