Broadie og Ólafur búnir að velja afrekshópa

Gregor Brodie afreksstjóri Golfsambands Íslands og Ólafur Björn Loftsson aðstoðarafreksstjóri hafa tilkynnt hvaða leikmenn skipa Elítuhóp og Afrekshóp GSÍ tímabilið 2019-2020.

Alls eru 64 kylfingar í þessum hópum, 24 í Elítuhópnum og 40 í Afrekshópnum.

„Við höfum ákveðið að velja fleiri kylfinga í landsliðshóp að þessu sinni. Áherslan verður vissulega mismikil á kylfinga en við viljum í hið minnsta gefa fleiri efnilegum kylfingum tækifæri að sækja sér þekkingu í gegnum fjölbreytt námskeið og heimsklassa kennsluefni,“ segir Brodie.

Elítuhópur (24 kylfingar*)
14 karlar á aldrinum 16-27 ára
10 konur á aldrinum 13-23 ára

*Af þessum 24 kylfingum eru 10 í háskólagolfi í Bandaríkjunum þannig að yfir vetrartímann eru alla jafna 14 kylfingar hópsins á Íslandi.

Afrekshópur (40 kylfingar)
27 karlar á aldrinum 15-24 ára
13 konur á aldrinum 13-24 ára

Elítuhópur (Elite)

Afrekshópur (Performance)