Conners með holu í höggi á Masters
Kanadabúinn Corey Conners gerði sér lítið fyrir og fór holu í höggi á þriðja keppnisdegi Masters mótsins sem fram fer á Augusta National vellinum.
Conners, sem er í toppbaráttunni fyrir lokahringinn, náði draumahögginu á 6. holu vallarins. Myndband af atvikinu má sjá hér fyrir neðan.
Conners er annar kylfingurinn í mótinu sem fer holu í höggi en Tommy Fleetwood fór holu í höggi á 16. holu á fyrsta keppnisdegi.
