Íslandsmót Golfklúbba hófst í gær
Íslandsmót Golfklúbba 1. deild hófst í gær á Hlíðavelli í Mosfellsbæ og Korpúlfstaðavelli hjá Golfklúbbi Reykjavíkur.
Í kvennaflokki eru þrjú lið ósigruð að loknum fyrsta keppnisdegi, Golfklúbbur Reykjavíkur, Golfklúbbur Kópavogs og Garðabæjar, og Golfklúbbur Mosfellsbæjar. Hörð keppni framundan í kvennaflokki.
Í karlaflokki sigruðu Golfklúbbur Reykjavíkur og Golfklúbbur Kópavogs og Garðabæjar báðar sínar viðureignir og eru með fullt hús stiga.
Keppni heldur áfram í dag og lýkur með úrslitaleikjum á morgun þar sem Íslandsmeistarar Golfklúbba verða krýndir.
Á vef Golfsambandsins eru mótinu gerð frábær skil.
