76 högg hjá Berglindi á fyrsta hringnum á Spáni
Berglind Björnsdóttir hóf leik í morgun á LET Access móti vikunnar, Santander Golf Tour Valencia. Berglind fór út í fyrsta holli og kom inn á 76 höggum eða fjórum höggum yfir pari.
Berglind er þessa stundina jöfn í 41. sæti af 56 kylfingum sem hafa nú þegar hafið leik í mótinu. Um 100 kylfingar eru með í mótinu en tæplega helmingur þeirra á enn eftir að fara út á fyrsta hringnum.
Eftir tvo hringi í mótinu verður skorið niður og þarf Berglind líklega að leika töluvert betur á morgun til þess að komast áfram.