Andri Þór á parinu á þriðja hring
Á 3 höggum undir pari fyrir lokahringinn
Andri Þór Björnsson úr GR lék þriðja hringinn á PGA Championship Landeryd Masters á 71 höggi eða á pari Vesterby vallarins í Svíþjóð. Hann er samtals á 3 höggum undir pari fyrir lokahringinn í 36.-42. sæti. Mótið er hluti af Nordic Golf League.
Aron Snær Júlíusson úr GKG og Aron Bergsson, sem leikur fyrir Hills Golfklúbbinn í Svíþjóð komust ekki í gegnum niðurskurðinn.
Rasmus Holmberg frá Svíþjóð er með þriggja högga forskot fyrir lokahringinn.
Andri fékk einn tvöfaldan skolla, tvo skolla og fjóra fugla á hringnum. Okkar maður verður ræstur út á lokahringinn klukkan 7 í fyrramálið á íslenskum tíma.