Axel, Guðmundur og Haraldur hefja leik á miðvikudaginn í Danmörku
Atvinnukylfingarnir Axel Bóasson, GK, Guðmundur Ágúst Kristjánsson, GR, og Haraldur Franklín Magnús, GR, eru allir skráðir til leiks á Thisted Forsikring Championship mótið sem fer fram dagana 5.-7. júní á Nordic Golf mótaröðinni.
Allir hafa þeir náð fínum árangri á tímabilinu og til að mynda enduðu bæði Haraldir og Axel meðal 10 efstu í síðasta móti.
Mót vikunnar fer fram hjá Golfklúbbi Álaborgar þar sem leiknir eru þrír hringir. Að tveimur hringjum loknum komast um 45 efstu kylfingarnir áfram og leika lokahringinn á föstudaginn.
Rástímar fyrir fyrsta hringinn, sem hefst á miðvikudaginn, eru klárir. Axel fer út klukkan 7:40 að staðartíma, Guðmundur klukkan 7:50 og Haraldur klukkan 11:40. Tveggja tíma mismunur er á íslenskum tíma og dönskum.
