Berglind í algjörum sérflokki á Leirumótinu
Það má með sanni segja að Berglind Björnsdóttir sé í algjörum sérflokki þegar einum hring er ólokið á Leirumótinu, þriðja stigamóti ársins á GSÍ mótaröðinni. Hún er átta höggum á undan næstu kylfingum.
Berglind er búin að leika hringina tvo á samtals þremur höggum yfir pari. Í dag kom hún í hús á 73 höggum, eða höggi yfir pari. Hún fékk fjóra skolla í dag en á móti fékk hún þrjá fugla.
Jafnar í öðru sæti á 11 höggum yfir pari eru þær Saga Traustadóttir og Andrea Ýr Ásmundsóttir.
