DeChambeau sjóðheitur á fyrsta hringnum eftir Opna bandaríska
Bryson DeChambeau er mættur aftur á PGA mótaröðina eftir sigurinn á Opna bandaríska mótinu í síðasta mánuði og fer af stað með látum.
DeChambeau er á meðal keppenda á Shriners Hospitals for Children Open sem hófst í dag og spilaði hann á 9 höggum undir pari og er þessa stundina í efsta sæti í mótinu.
Bandaríkjamaðurinn högglangi fékk alls 9 fugla og 9 pör á hring dagsins en hér fyrir neðan má sjá allt það helsta frá hringnum.
