Endaði keppnistíðina með erni á lokaholunni komin 7 mánuði á leið
Bandaríski kylfingurinn Lindsey Weaver-Wright endaði golfkeppnistímabilið á LPGA mótaröðinni með glæsilegum erni á lokaholunni í móti um síðustu helgi. Það sem er sérstakt við þennan endi hjá Wright er að hún er kominn sjö mánuði á leið og þetta var hennar síðasta mót á meðgöngunni.
Hún tilkynnti í júní að hún væri ólétt og ætti von á dreng. Wright lét ekki óléttuna stoppa sig og hefur leikið gott golf. Hún endaði í 16. sæti í mótinu og í tíunda sæti vikuna á undan. Hún náði þessu flotta lokahöggi á velli þar sem hún er félagi, Old American Golf Club og býr í nágrenninu. „Þetta er magnað og ótrúlegt,“ sagði hún eftir hringinn en á óléttutímanum hefur hún verið með stól með sér í keppnum til að tylla sér á milli högga því hún verið slæm í baki á meðgöngunni. Hún gerði það hins vegar ekki í þessu móti. „Þetta hefur verið erfitt, ég viðurkenni það. Ég er bara heppin að hafa getað leikið golf á meðgöngunni,“ sagði hún og stefnir á að mæta aftur á keppnisvöllinn í mars.
Wright, sem er þrítug, hefur unnið sér inn verðlaunafé fyrir um 40 milljónir króna á tímabilinu, er í 70. sæti á LPGA en hún gerðist atvinnumaður 2018.
Genuinely can't think of a better way to start your maternity leave
🥳@Lindseykweaver is winning at life 🤩 pic.twitter.com/yYXACHHzUV
