Enginn kylfingur á meðal tíu efstu í kjörinu á íþróttamanni ársins

Íslenskir kylfingar náðu ekki að komast inn á topp 10 listann að þessu sinni hjá Samtökum íþróttafréttamanna í kjörinu á íþróttamanni ársins.  Alls eru fimm konur og fimm karlar á topp 10 listanum að þessu sinni og hafa konurnar aldrei verið fleiri frá því að kjörinu var lýst í fyrsta sinn árið 1956. Gylfi Þór Sigurðsson knattspyrnumaður var kjörinn íþróttamaður ársins 2013 en greint verður frá úrslitum úr kjörinu 2014 þann 3. janúar. 

Golffréttamennirnir Sigurður Elvar Þórólfsson og Páll Ketilsson eru í Samtökum íþróttafréttamanna og tóku þátt í kjörinu. Tæplega 30 íþróttafréttamenn eru í SÍ og hafa kosningarétt. 

Kylfingar hafa verið á topp 10 listanum í 25 skipti og var Magnús Guðmundsson úr GA sá fyrsti árið 1963. Sigurður Pétursson úr GR hefur náð bestum árangri í kjörinu en hann varð þriðji árið 1983. Úlfar Jónsson deildi 2.-10. sætinu árið 1987 en þá gátu félagsmenn í Samtökum íþróttafréttamanna ekki komið sér saman um röðina í kjörinu eftir að Arnór Guðjohnsen knattspyrnumaður var kjörinn iþróttamaður ársins. 

Tvívegis hafa tveir kylfingar verið á meðal tíu efstu; í fyrra skiptið árið 1993 þegar Úlfar Jónsson og Þorsteinn Hallgrímsson voru á listanum. Ólöf María Jónsdóttir og Birgir Leifur Hafþórsson voru á meðal tíu efstu árið 2004 en Ólöf María náði fjórða sætinu en það er besti árangur hjá íslenskum kvenkylfing.

Eftirtaldir kylfingar hafa náð inn á topp 10 listann í kjörinu á íþróttamanni ársins:

1963:
10. sæti: Magnús Guðmundsson, GA

1965:
7. sæti: Magnús Guðmundsson, ÍBA     

1977:
9. sæti: Björgvin Þorsteinsson, GA

1979:
8. sæti: Hannes Eyvindsson, GR

1981:
6. sæti: Ragnar Ólafsson, GR

1984:
9. sæti: Ragnar Ólafsson, GR

1985:
3. sæti: Sigurður Pétursson, GR               

1986:
9. sæti: Úlfar Jónsson, GK          

1987:
2-10 sæti: Úlfar Jónsson, GK

1988:
5. sæti: Úlfar Jónsson, GK

1990:
4. sæti: Úlfar Jónsson, GK

1992:
5. sæti: Úlfar Jónsson, GK

1993:
5. sæti:  Úlfar Jónsson, GK
8. sæti: Þorsteinn Hallgrímsson, GV

1995:
5. sæti: Birgir Leifur Hafþórsson, Leynir

1997:

6. sæti: Birgir Leifur Hafþórsson, Leynir

1998:

9. sæti: Ragnhildur Sigurðardóttir, GR

2000:

5. sæti: Birgir Leifur Hafþórsson               , GL

2001:

6. sæti: Birgir Leifur Hafþórsson, GL

2002:

10. sæti: Ólöf María Jónsdóttir, GK

2003:

9. sæti: Ragnhildur Sigurðardóttir, GR   

2004:
5. sæti: Ólöf María Jónsdóttir, GK
6. sæti: Birgir Leifur Hafþórsson, GKG   

2005:
8. sæti:  Ólöf María Jónsdóttir, GK

2006:
4. Birgir Leifur Hafþórsson, GKG              

2007:
5. sæti: Birgir Leifur Hafþórsson, GKG

2011:
10. sæti: Ólafur Björn Loftsson, NK

Frá því að kjörið á íþróttamanni ársins fór fram í fyrsta sinn árið 1956 hafa aldrei áður hafa jafnmargar konur verið á topp 10 listanum. Sex sinnum hafa fjórar konur verið á topp 10 listanum. Í fyrra voru tvær konur á meðal tíu efstu.

Gylfi Þór Sigurðsson, knattspyrnumaður, var kjörinn íþróttamaður ársins 2013. Þrjú lið koma til greina í kjörinu á liði ársins og þrír þjálfarar í kjörinu á þjálfari ársins.  Þetta er í þriðja sinn sem lið ársins og þjálfari ársins eru kosnir.

Samtök íþróttafréttamanna standa að þessu kjöri í 59. skipti en alls hafa 33 íþróttamenn fengið þessa viðurkenningu frá upphafi. Íþróttamenn úr frjálsíþróttum hafa oftast verið kjörnir íþróttamenn ársins eða í 21 skipti, þar á eftir kemur handknattleikur (12), knattspyrna (9), sund (8), kraftlyftingar (3), judó (1), þolfimi (1), hestaíþróttir (1).

Þeir tíu sem urðu í efstu sætunum eru eftirtaldir, í stafrófsröð:

Aron Pálmars­son, handknattleikur

Eygló Ósk Gústafsdóttir, sund

Guðjón Valur Sigurðsson, handknattleikur

Gylfi Þór Sigurðsson, knattspyrna

Hafdís Sigurðardóttir, frjálsíþróttir

Hrafnhildur Lúthersdóttir, sund

Jón Arnór Stefánsson, körfuknattleikur

Jón Margeir Sverrisson, sund fatlaðra

Sara Björk Gunnarsdóttir, knattspyrna

Sif Pálsdóttir, fimleikar

 

Lið ársins, efstu þrjú sæti í stafrófsröð:    

Knattspyrnulandslið karla          

Körfuknattleikslandslið karla    

Meistaraflokkur karla Stjörnunnar í knattspyrnu  

         

Þjálfari ársins, efstu þrjú sæti í stafrófsröð:

Alfreð Gíslason

Heimir Hallgrímsson     

Rúnar Páll Sigmundsson  
   

Vilhjálmur hefur oftast verið kjörinn iþróttamaður ársins:

Vilhjálmur Einarsson hefur oftast fengið þessa viðurkenningu eða alls fimm sinnum, þar á eftir koma Ólafur Stefánsson  (4), Einar Vilhjálmsson (3), Hreinn Halldórsson (3), Örn Arnarson (3), Valbjörn Þorláksson (2), Jón Arnar Magnússon (2), Ásgeir Sigurvinsson (2), Skúli Óskarsson (2), Eiður Smári Guðjohnsen (2).

Fjórar konur hafa verið efstar í þessu kjöri, Sigríður Sigurðardóttir handknattleikskona var sú fyrsta árið 1964, Ragnheiður Runólfsdóttir sundkona árið 1991, Vala Flosadóttir frjálsíþróttakona var sú þriðja í röðinni árið 2000 og Margrét Lára Viðarsdóttir knattspyrnukona árið 2007.

Aðrir hafa fengið þessa viðurkenningu einu sinni.

1956      Vilhjálmur Einarsson (1), Frjálsíþróttir (1)

1957      Vilhjálmur Einarsson (2), Frjálsíþróttir (2)

1958      Vilhjálmur Einarsson (3), Frjálsíþróttir (3)

1959      Valbjörn Þorláksson (1), Frjálsíþróttir (4)

1960      Vilhjálmur Einarsson (4), Frjálsíþróttir (5)

1961      Vilhjálmur Einarsson (5), Frjálsíþróttir (6)

1962      Guðmundur Gíslason (1), Sund (1)

1963      Jón Þ. Ólafsson (1), Frjálsíþróttir (7)

1964      Sigríður Sigurðardóttir (1), Handbolti (1)

1965      Valbjörn Þorláksson (2), Frjálsíþróttir (8)

1966      Kolbeinn Pálsson (1), Körfubolti (1)

1967      Guðmundur Hermanns. (1), Frjálsíþróttir (9)

1968      Geir Hallsteinsson (1), Handbolti (2)

1969      Guðmundur Gíslason (1), Sund (2)

1970      Erlendur Valdimarsson (1), Frjálsíþróttir (10)

1971      Hjalti Einarsson (1), Handbolti (3)

1972      Guðjón Guðmundsson(1), Sund (3)

1973      Guðni Kjartansson (1), Knattspyrna (1)

1974      Ásgeir Sigurvinsson (1), Knattspyrna (2)

1975      Jóhannes Eðvaldsson (1, Knattspyrna (3)

1976      Hreinn Halldórsson (1), Frjálsíþróttir (11)

1977      Hreinn Halldórsson (2), Frjálsíþróttir (12)

1978      Skúli Óskarsson (1), Kraftlyftingar (1)

1979      Hreinn Halldórsson (3), Frjálsíþróttir (13)

1980      Skúli Óskarsson (2), Kraftlyftingar (2)

1981      Jón Páll Sigmarsson (1), Kraftlyftingar (3)

1982      Óskar Jakobsson (1), Frjálsíþróttir (14)

1983      Einar Vilhjálmsson (1), Frjálsíþróttir (15)

1984      Ásgeir Sigurvinsson (2), Knattspyrna (4)

1985      Einar Vilhjálmsson (2), Frjálsíþróttir (16)

1986      Eðvarð Þór Eðvarðsson (1), Sund (4)

1987      Arnór Guðjohnsen (1), Knattspyrna (5)

1988      Einar Vilhjálmsson (3), Frjálsíþróttir (17)

1989      Alfreð Gíslason (1), Handbolti (4)

1990      Bjarni Friðriksson (1), Júdó (1)

1991      Ragnheiður Runólfsd. (1), Sund (5)

1992      Sigurður Einarsson (1), Frjálsíþróttir (18)

1993      Sigurbjörn Bárðarson (1), Hestaíþróttir (1)

1994      Magnús Scheving (1), Þolfimi (1)

1995      Jón Arnar Magnússon (1), Frjálsíþróttir (19)

1996      Jón Arnar Magnússon (2), Frjálsíþróttir (20)

1997      Geir Sveinsson (1), Handbolti (5)

1998      Örn Arnarson (1), Sund (6)

1999      Örn Arnarson (2), Sund (7)

2000      Vala Flosadóttir (1), Frjálsíþróttir (21)

2001      Örn Arnarson (3), Sund (8)

2002      Ólafur Stefánsson (1), Handbolti (6)

2003      Ólafur Stefánsson (2), Handbolti (7)

2004      Eiður Smári Guðjohns. (1), Knattspyrna (6)

2005      Eiður Smári Guðjohns. (2), Knattspyrna (7)

2006      Guðjón Valur Sigurðs. (1), Handbolti (8)

2007      Margrét Lára Viðarsd. (1), Knattspyrna (8)

2008      Ólafur Stefánsson (3), Handbolti (9)

2009      Ólafur Stefánsson (4), Handbolti (10)

2010      Alexander Petersson (1),  Handbolti (11)

2011      Heiðar Helguson (1), Knattspyrna (9)

2012      Aron Pálmarsson (1), Handbolti (12)

2013      Gylfi Þór Sigurðsson (1), Knattspyrna (9)