Evrópumótaröð karla: Hero Indian Open mótinu frestað
Evrópumótaröð karla og Asíska mótaröðin sendu frá sér sameiginlega tilkynningu í gær þar sem tilkynnt var að Hero Indian Open mótinu hafi verið frestað vegna óvissuástands út af kórónaveirunni.
Mótið átti að fara fram dagana 19.-22. mars næstkomandi en eftir að mótaraðirnar tvær sem standa að mótinu ráðfærðu sig við indverska golfsambandið var sú ákvörðun tekin að mótið yrði frestað.
Nú þegar hefur einu móti á tímabilinu á Evrópumótaröðinni verið aflýst út af veirunni og þremur öðrum mótum frestað. Öllum mótum sem hafa verið frestað áttu að fara fram á næstu sex vikum. Það er því ljóst að mikil óvissa ríkir vegna ástandsins innan golfhreyfingarinnar.