Evrópumótaröð karla: Soderberg fær ekki að halda áfram
Evrópumótaröð karla hefur dregið Sebastian Soderberg úr leik á Opna írska mótinu eftir að Svíinn fékk tilkynningu um einstakling í hans umhverfi sem hafði fengið jákvætt úr Covid-19 prófi.
Tilkynningin barst í gær, fimmtudag, eftir að Sebastian hafði klárað fyrsta hringinn. Líkt og aðrir keppendur fór hann í Covid-19 próf fyrir mótið og var þar neikvæður en þarf samt sem áður að hætta leik og fer nú í sóttkví í 14 daga.
Leikfélagar Soderberg, þeir Tom McKibbin og Scott Hend, léku tveir saman í holli í dag en þeir spiluðu með Soderberg á fimmtudaginn.
Hér er hægt að sjá stöðuna í mótinu.
Soderberg hafði leikið fyrsta hringinn í mótinu á 74 höggum eða fjórum höggum yfir pari.