Fjallabyggð í efstu deild í fyrsta skipti.

Golfklúbbur Fjallabyggðar leikur í efstu deild golfklúbba 50+ á næsta ári eftir sigur á Golfklúbbi Mosfellsbæjar í úrslitaleik í 2. deild sem leikin var í Eyjum. Þetta er í fyrsta skipti sem Fjallabyggð leikur í efstu deild í Íslandsmóti klúbba.

Fjallabyggðarkappar unnu úrslitaleikinn sannfærandi 3,5-1,5 með sinn besta mann, Sigurbjörn Þorgeirsson í fararbroddi en hann vann alla sína leiki örugglega og sveitin líka.

Golfklúbbur Öndverðarness endaði í þriðja sæti og Nesklúbburinn í því fjórða. Golfklúbbur Húsavíkur endaði í neðsta sæti og fellur í 3. deild.
Úrslit.