Gerðist síðast fyrir sjö árum

Sigur Paul Casey á Valspar Championship mótinu var þriðji sigurinn í röð hjá Evrópubúa á PGA mótaröðinni í golfi. Þetta er í fyrsta skiptið í sjö ár sem þrír sigrar í röð á mótaröðinni fara í hendur Evrópubúa.

Casey lék hringina fjóra um helgina á 8 höggum undir pari og varði þannig titil sinn eftir æsispennandi lokahring.

Ítalinn Francesco Molinari sigraði eftirminnilega á Arnold Palmer Invitational mótinu sem fór fram dagana 7.-10. mars. Molinari hafði þá meðal annars betur gegn Norður-Íranum Rory McIlroy á endasprettinum en sá síðarnefndi hafði þá tekið þátt í nokkrum mótum í röð þar sem hann var nálægt sigri.

McIlroy sigraði svo á Players meistaramótinu sem kláraðist 17. mars á TPC Sawgrass vellinum. Með sigrinum komst hann upp í 4. sæti heimslistans og verður að teljast líklegur til árangurs á Masters mótinu sem fer fram í apríl.

Sigurvegarar á PGA mótaröðinni tímabilið 2018/2019:

Paul Casey.

Francesco Molinari.

Ísak Jasonarson
[email protected]