Guðrún Brá á pari eftir tvo hringi í Sviss
Annar hringur Swiss Ladies Open á Evrópumótaröð kvenna fór fram í dag. Guðrún Brá Björgvinsdóttir var á tveimur höggum undir pari fyrir hring dagsins eftir góða spilamennsku í gær.
Guðrún lék annan hringinn á tveimur höggum yfir pari og er því samtals á pari eftir tvo hringi og er jöfn í 53. sæti þegar einum hring er ólokið.
Sandra Gal og Kim Metraux eru efstar á 14 höggum undir pari þegar mótið er hálfnað.
