Guðrún Brá á tveimur höggum yfir pari | Erfiður dagur hjá Berglindi
Þær Berglind Björnsdóttir og Guðrún Brá Björgvinsdóttir hófu í dag leik á VP Bank Ladies Open mótinu en það er hluti af LET Access mótaröðinni.
Byrjunin var erfið hjá Guðrúnu Brá en hún hóf leik á fyrsta teig. Hún var komin fjögur högg yfir par eftir sjö holur. Hún náði aðeins að rétta úr kútnum og fékk þrjá fugla og einn skolla á síðustu 12 holunum.
Hún kom því í hús á 74 höggum, eða tveimur höggum yfir pari og er eftir daginn jöfn í 48. sæti.
Berglind Björnsdóttir átti erfiðan dag á vellinum. Hún kom í hús á 81 höggi, eða níu höggum yfir pari, og er eftir daginn jöfn í 114. sæti.
Hérna má sjá stöðuna í mótinu.
