Guðrún Brá í góðum málum eftir tvo hringi
Guðrún Brá Björgvinsdóttir atvinnkylfingur úr Golfklúbbinum Keili lék á 72 höggum á öðrum hring Flumserberg Ladies Open sem er hluti af LET Access mótaröðinni. Hún komst örugglega í gegnum niðurskurðinn og er ofarlega á skortöflunni nú þegar einn hringur er eftir.
Hringurinn í dag var nokkuð sveiflukenndur. Hún fékk fjóra fugla á fyrri níu holunum en á móti fékk hún tvo skolla. Á síðari níu holunum fékk hún svo þrjá skolla og einn fugl. Hún endaði því hringinn á 72 höggum eða pari vallar og er samtals á þremur höggum undir pari.
Fyrir lokahringinn er Guðrún jöfn í 13. sæti sex höggum á eftir efstu konu. Hún getur því hæglega komið sér á meðal efstu kvenna með góðum lokahring.
