Háskólagolfið: Andrea lék best í liði Colorado State
Afrekskylfingarnir Andrea Bergsdóttir og Saga Traustadóttir voru á meðal keppenda á Juli Inkster Invitational mótinu sem fór fram í bandaríska háskólagolfinu dagana 9.-10. mars.
Lið þeirra, Colorado State, endaði í 12. sæti í mótinu en alls kepptu níu af 100 bestu liðum landsins í mótinu.
Andrea lék best í liði Colorado State og endaði í 23. sæti í einstaklingskeppninni. Hún lék hringina þrjá á 78, 72 og 74 höggum og lék því samtals á 8 höggum yfir pari. Saga lék á 75, 84 og 79 höggum og endaði í 64. sæti í einstaklingskeppninni.
Andrea lék best á öðrum hringnum.
Næsta mót hjá íslensku stelpunum er Hawkeye El Tigre Invitational mótið sem fer fram dagana 19.-21. mars.
