Háskólagolfið: Arnar Geir lék vel í Oklahoma
Arnar Geir Hjartarson, GSS, lék á dögunum í fyrsta móti tímabilsins í bandaríska háskólagolfinu með liði sínu, Missouri Valley College.
Arnar er á sínu þriðja ári í skólanum og hefur komist í lið skólans í flestum mótum. Hann sigraði meðal annars á einu móti í fyrra.
Fyrsta mót tímabilsins í ár fór fram á Lincoln Park golvellinum í Oklahoma en leiknar voru 36 holur fyrri daginn og 18 þann seinni. Arnar lék samtals á 2 höggum yfir pari (69,72,74) og endaði í 17. sæti af 81 í einstaklingskeppninni.
Lið Arnars endaði í 3. sæti sem er flottur árangur en um er að ræða eitt sterkasta mótið í deildinni sem skólinn spilar í. Mynd af liðinu má sjá hér fyrir neðan.