Háskólagolfið: Saga jöfn í efsta sæti
Afrekskylfingurinn Saga Traustadóttir er í efsta sæti eftir fyrsta hringinn á Ron Moore Women's Intercollegiate mótinu sem er hluti af bandaríska háskólagolfinu. Mótið fer fram í Denver dagana 5.-7. október.
Saga lék fyrsta hringinn á 2 höggum undir pari þrátt fyrir að vera komin þrjá yfir eftir fimm holur. Eftir slæman kafla á fyrstu holunum lék hún óaðfinnanlegt golf næstu 13 holur þar sem hún fékk 5 fugla og 8 pör.
Lið Sögu, Colorado State, er í efsta sæti í mótinu á 2 höggum undir pari, fimm höggum á undan Kansas skólanum.
Hér er hægt að sjá stöðuna í mótinu.
