Hulda Clara efst á Egils Gull-mótinu
Egils Gull-mótið hófst í dag á Þorlákshafnarvelli en mótið er hluti af „Mótaröð þeirra bestur“. Aðstæður voru með besta móti, 10 stiga hiti og hægur vindur. Tveir hringir voru leiknir í dag og er það Hulda Clara Gestsdóttir sem er í forystu í kvennaflokki.
Hulda Clara lék hringina tvo á tveimur höggum undir pari. Fyrri hringinn lék hún á pari vallar og þann síðari á tveimur höggum undir pari.
Heiðrún Anna Hlynsdóttir er ein í öðru sæti á parinu eftir að hafa spilað á 72 höggum og 70 höggum. Helga Kristín Einarsdóttir og Saga Traustadóttir eru svo á einu og tveimur höggum yfir pari.
Það er því von á spennandi lokahring en hann verður leikinn á morgun. Stöðuna í mótinu má nálgast hérna.