Jin Young Ko lék frábærlega og sigraði á lokamótinu
Jin Young Ko endaði frábært tímabil á LPGA mótaröðinni með sínum fimmta sigri á tímabilinu þegar hún sigraði á CME Group Tour Championship. Ko fékk að launum hæsta verðlaunafé sem veitt er í kvennagolfinu, eina og hálfa milljón dollara.
Sigurinn skaut Ko einnig upp fyrir Nelly Korda á stigalistanum og tryggði henni titilinn Rolex kylfingur ársins.
Það sem gerir sigur hennar enn athyglisverðari er sú staðreynd að hún barðist við meiðsli á úlnlið allt mótið og sló ekki eitt einast högg af fullum krafti á æfingasvæðinu í mótinu. Það kom ekki í veg fyrir þann ótrúlega árangur að hún hitti 63 flatir í röð í réttum höggafjölda í mótinu.
Á lokahringum lék Ko á 63 höggum og samtals á 23 höggum undir pari. Nasa Hataoka var sú eina sem náði að veita henni keppni á lokahringnum. Hataoka lék lokahringinn á 64 höggum og endaði einu höggi á eftir Ko.
Nelly Korda sem barðist við Ko um stigameistaratitilinn náði pútternum ekki í gang á lokahringnum og þurfti að sætta sig við 5. sætið eftir 69 högg á lokahringnum.
For $1.5 million...
Jin Young Ko hits 63 consecutive greens-in-regulation on her way to winning the 2021 @CMEGroupLPGA! 👏👏 pic.twitter.com/iXlIssdqZ0