Örninn #galvin 2
Örninn #galvin 2

Fréttir

Karlalandsliðið endaði í 9. sæti á EM
Ísak Jasonarson
Ísak Jasonarson skrifar
laugardaginn 12. september 2020 kl. 18:49

Karlalandsliðið endaði í 9. sæti á EM

Karlalandslið Íslands í golfi hóf leik þann 9. september á Evrópumóti áhugakylfinga. Að þessu sinni var keppt á Hilversumsche Golf Club í Hollandi. Mótinu lauk í dag með sigri Þjóðverja en Ísland endaði í 9. sæti.

Íslenska liðið var skipað eftirfarandi leikmönnum: Kristófer Karl Karlsson, Hákon Örn Magnússon, Aron Snær Júlíusson, Dagbjartur Sigurbrandssson. Ólafur Björn Loftsson, aðstoðarafreksstjóri GSÍ, var liðsstjóri.

Ísland og Belgía áttust við í dag í úrslitaleik B-riðils á Evrópumóti áhugakylfinga í Hollandi. Um var að ræða úrslitaleik í B-riðli keppninnar.

Kristófer Karl Karlsson og Aron Snær Júlíusson sigruðu í fjórmenningsleiknum 2/0. Hákon Örn Magnússon sigraði örugglega í sínum tvímenningsleik 5/4 en Aron Snær Júlíusson tapaði naumlega 1/0.

Þjóðverjar fögnuðu Evrópumeistaratitlinum eftir sigur gegn Svíum í úrslitaleik.

Lokastaðan

  1. Þýskaland
  2. Svíþjóð
  3. Sviss
  4. Ítalía
  5. Holland
  6. Austurríki
  7. Frakkland
  8. Danmörk
  9. Ísland
  10. Belgía
  11. Eistland
  12. Tékkland
  13. Slóvakía
  14. Slóvenía