Kelly leiðir í New Orleans

Bandaríkjamaðurinn Jerry Kelly er efstur eftir tvo hringi á Zurich Classic mótinu sem fer fram í New Orleans, en hann er á 10 höggum undir pari eftir að hafa farið annan hringinn á 66 höggum, eða 6 undir pari.

Höggi á eftir honum eru Troy Matteson, sem var á 64 höggum á öðrum hring, og Charley Hoffman.

Charlie Wi, sem leiddi eftir fyrsta hring, fór annan hring á 2 undir pari og er í sæti 4-8 ásamt David Toms, Parker McLachlin, John Merrick og John Rollins.

Meðal þeirra sem duttu út við niðurskurðinn voru Nick Watney og Mike Weir, sem náði ekki að vinna upp hræðilegan endasprett á fyrsta hring þrátt fyrir að hafa leikið á 69 höggum á öðrum hring.

Staðan

Mynd úr safni golfsupport.nl

ÞJ