Koepka búinn að setja tvö met það sem af er móti
Eins og greint var frá í gær er Brooks Koepka með sjö högga forystu eftir tvo hringi á PGA meistaramótinu. Hann er búinn að leika fyrstu tvo hringi mótsins á 63 (-7) og 65 (-5) höggum og er því samtals á 12 höggum undir pari.
Á fyrsta hringnum setti hann vallarmet þegar hann lék á 63 höggum. Eftir hringinn í gær setti hann svo nýtt met yfir besta skor eftir 36 holur. Hann er því búinn að setja tvö ný met það sem af er móti.
Fyrir á Koepka metið yfir lægsta höggafjölda í mótinu en það met setti hann í fyrra þegar hann lék hringina fjóra á samtals 264 höggum. Hann er á góðri leið með að bæta það met og gætu metin því hugsanlega orðið fleiri áður en mótið klárast.
Dominant @BKoepka. 💪
— PGA TOUR (@PGATOUR) May 17, 2019
Brooks sets the 36-hole scoring record in a major and now holds the 18-, 36- and 72-hole scoring records for the PGA Championship. 👏#LiveUnderPar pic.twitter.com/dTEPdTRY6E
