Lowry þénaði rúmar 240 milljónir króna fyrir sigurinn

Shane Lowry sigraði á Opna mótinu sem fór fram á Royal Portrush vellinum um helgina. Lowry lék hringina fjóra í mótinu á 15 höggum undir pari og varð að lokum sex höggum á undan Tommy Fleetwood sem varð annar.

Fyrir sigurinn fær Lowry 1.935.000 dollara eða rúmlega 240 milljónir króna. Þetta er fyrsti sigur Írans á risamóti.

Fleetwood fer ekki tómhentur heim þrátt fyrir að hafa endað í öðru sæti en hann þénaði hvorki meira né minna en 140 milljónir fyrir þann árangur.