LPGA: Clanton og Suwannapura fögnuðu öruggum sigri
Fjórði og síðasti hringur Dow Great Lakes Bay Invitational mótsins fór fram í dag og voru það þær Cydney Clanton og Jasmine Suwannapura sem stóðu uppi sem sigurvegarar eftir frábæran lokahring.
Mótið var ekki eins og önnur mót en í þessu móti léku tvær og tvær saman sem lið. Tvo hringi var leikinn fjórmenningur og hina tvo var leikinn betri bolti. Á hringnum í dag var leikinn fjórbolti og léku þær Clanton og Suwannapura á 59 höggum, eða 11 höggum undir pari. Þær enduðu sex höggum á undan næsta liði.
Í öðru sæti urðu þær Jin Young Ko og Minjee Lee á samtals 21 höggi undir pari. Þær áttu besta hring dagsins er þær komu í hús á 58 höggum.