LPGA: Higa í forystu á Opna bandaríska
Fyrsti hringur Opna bandaríska mótsins fór fram í gær og er það japanski kylfingurinn Mamiko Higa sem er í forystu eftir daginn. Hún er með eins höggs forystu á næstu kylfinga.
Higa gerði engin mistök á fyrsta hringnum. Á hringnum fékk hún sex fugla og restina pör og kom því í hús á 65 höggum, eða sex höggum undir pari.
Höggi á eftir Higa eru þær Esther Henseleit og áhugakylfingurinn Gina Kim. Kim lék einmitt með Ólafíu Þórunni Kristinsdóttur í holli.
Ólafía Þórunn byrjaði nokkuð vel í gær og kom í hús á 71 höggum. Nánar má lesa um hringinn hennar hérna.
