LPGA: Korda með þriggja högga forystu fyrir lokahringinn
Hin bandaríska Nelly Korda er með þriggja högga forystu eftir þrjá hringi á ISPS Handa Women's Australian Open sem fer fram á LPGA mótaröðinni um helgina.
Korda er á 12 höggum undir pari í mótinu, þremur höggum á undan Haru Nomura. Á þriðja keppnisdegi lék Korda á 67 höggum þar sem hún fékk sex fugla og tvo skolla.
Jeongeun Lee, Jodi Ewart Shadoff og Wei-Ling Hsu eru jafnar í 3. sæti á 8 höggum undir pari.
Valdís Þóra Jónsdóttir keppti í úrtökumóti fyrir mótið en náði ekki að tryggja sér keppnisrétt að þessu sinni.
Hér er hægt að sjá stöðuna í mótinu.